Jamie Douglas

I
I was a lady of high renown
As ever lived in the north countrie;
I was a lady of high renown
When the Earl Douglas luvèd me.

II
And when we came through Glasgow toun,
We were a comely sight to see;
My gude lord in the black velvet,
And I mysel' in cramasie.        [crimson

III
But when we came to Douglas toun,
We were a fine sight to behold:
My gude lord in the cramasie
And I mysel' in the shining gold.

IV
And when that my auld son was born         [elder
And set upon his nurse's knee,
I was happy a woman as e'er was born,
And my gude lord he luvèd me.

V
But O an my young son was born
And set upon his nurse's knee
And I mysel' were dead and gane,
For a maid again I'll never be!

VI
There cam' a man into this house,
And Jamie Lockhart was his name,
And it was told to my gude lord
That I was owre in love wi' him.

VII
O wae be unto thee, Blackwood,
And ae an ill death may ye dee I
For ye was the first and foremost man
That parted my gude lord and me.

VIII
I sent a word to my gude lord,
'Come down, and sit, and dine wi' me,
And I'll set thee on a chair of gowd,
And a siller towel on thy knee.' --

IX
'When cockle-shells turn silver bells,
And mussell grow on every tree,
When frost and snow turns fire to burn,
Then I'll sit down and dine wi' thee.'

X
When that my father he had word
That my gude lord had forsaken me,
He sent a fifty brisk dragoons
To fetch me home to my ain countrie.

XI
Fare thee well, my Jamie Douglas!
Fare thee well, ever dear to me !
But O, an my young babe were born
And set upon some nourice' knee!

XII
And fare thee well, my pretty palace!
And fare ye well, my children three!
God grant your father grace to be kind,
More kind to you than be was to me

XIII
Then slowly, slowly rase I up,
But quickly, quickly he cam' doun,
And when he saw me sit in my coach,
He made his drums and trumpets sound.

XIV
When we cam' in by Edinbro' town,
My father and mother they met me
W' trumpets soundin' on every side;
But it was nae music at a' to me.

XV
'Now hau'd your comfort my father dear,
And mother your weeping let abee!
I'll never ]ye in another man's arms
Since my dear lord has forsaken me.'

XVI
It's very true, and it's aft-times said,
The hawk will flie far far frae her nest:
And a' the warld may plainly see
They are far frae me that I luve best.

Continues ...
Back to index