Willie's Lyke-Wake

I
'Willie, Willie, what makes you sae sad?'
And the sun shines over the valleys and a' --
'I lie sairly sick for the love of a maid.'
Amang the blue flowers and the yellow and a'.

II
'O Willie, my son, I'll learn you a wile,
How this pretty fair maid ye may beguile.

III
'Ye maun lie doun just as ye were deid,
And tak' your windin'-sheet round your head.

IV
Ye maun gie the bellman his bell-groat,
To ring your dead-bell at your lover's yett.'        [gate

V
Willie lay doun just as he war dead,
And took his windin'-sheet round his head,

VI
He gied the bellman his bell-groat,
To ring his dead-bell at his lover's yett.

VII
'O wha is this that is deid, I hear?' --
'O wha but Willie that lo'ed ye sae dear?'

VIII
She is hame to her father's ain bour:
'I'll gang to yon lyke-wake ae single hour.' --        [one

IX
'Ye maun tak' with you your brither John
It 's not meet for maidens to venture alone.' --

X
'I'll not tak' with me my brither John,
But I'll gang along myself all alone.'

XI
It 's when she cam' to her true lover's yett,
She dealt the red gold round for his sak'.

XII
It's when she came to her true lover's bed
She lifted the sheet to look at the dead.

XIII
He's ta'en her hand sae meek and sae sma,
And ca'd her his wife before them a'.

XIV
'Fair maid, ye cam' without horse or boy,
And the sun shines over the valleys and a' --
But I'll send you home with a merry convoy.'
Amang the blue flowers and the yellow and a'.

Back to index